الافتراضي رد: {لــكـــل فتـــاه..تتمنى ان تــكون جميــله وجذابـــه ..} العنــايه الكاملــه!!

هذا اول موضوع لي واتمنى انه يكون موضوع مفيد للبنوتات والصبايا والحريم

في هذا الموضوع وصفات حلوه وبسيطه وكيف تعتني بنفسك ... ان شاء الله بتشوفي تغيير تام فيك

حتكون ان شاء الله بشرتك احلى بكثير وجسمك ويداتك حلوه و ناعمه (؛

وصدقوني بنات انا بنفسي جربتها وحسيت اني احلى ووجهي منور

~~~~

اولا:-

the face
الوجه

A-اول شي البنات يتضايقوا منه هو الحبوب وأثاره
بنوتات حبايبي المشكله هاذي من الاكل صدقوني.. لما كنت بسادس كان وجهي خريطه من كثر الحبوب
~خخ... بس والله فكرت ومن لما دخلت المتوسط حاولت اخفف شبسات وحلويات .. قعدت سنتين كامله ما آكل الشبسات الا نادر مرررره ... وقسم بالله اشوف صورتي ونا بسادس فرق كبيير الحبوب واثارها راحت~ معليش طولت عليكم ~المهم بنوتات اول شي هو
1- اكل الخضار والفواكه
2- الابتعاد عن السكريات والدهون (لانها بتخلي وجهك مدبق كأنو عليه زيت)
3- استعملي غسول للوجه
4- حطي عسل على الوجه لثلث ساعه واغسليه بمويه فاتره
5- بياض البيض مفيد للحبوب واثاره
خذي بياض بيض وحطي منه على وجهك وحطي فوقه مناديل خليه نص ساعه واغسليه بمويه فاتره

B-ثاني شي العيون ..
الهالات السواء اللي تحت العين هذي بالخيار خليه على عيونك نص ساعه و لو تحطي معاه زبادي على وجهك مرره حلو

بعدين الرموش ..اذا تبغي رموش حلوه انصحك قبل النوم حطي فازلين على الرموش وافركي رموشك كثيرين جربوها ونا كمان ..مره حلوه نتايجها..

الحواجب..اذا كنتي بنوته صغيره لسه لا تشقري لانه التشقير يكثر شعر الحواجب بس بمشط الحواجب رتبيها ولو تحطي شويه فازلين عشان يثبته مره نايس ونا مجربته كانت حواجبي حلوه ومرتبه

C-الانف ...اولا في بعض الانوف تجي عريضة وكبيره .. واذا تبي تنحفيها .. وحده قالت انها كانت كل صباح اول ما تصحى تضغط على خشمها بيدها اول ما تصحى كل يوم ولمده شهر ... لان الانف عباره عن غضروف والغضروف يقدر يتغير شكله.. ونا جربته حسيت بفرق فعلا!!
بعدين المسامات السوداء بالانف .. اول شي حبيبتي اغسلي انفك بمويه مايله للحراره على قد ما تستحملي.. وخذي ملعقه صغيره ملح ناعم (طعام)وملعقه صغيره عسل وحطي على انفك وابدأي افركي.. تقريبا من5 الى 10 دقايق واغسلي انفك بمويه بارده عشان تتسكر المسامات وشوفي الفرق

D-الشفايف
بنات انا ابغاكم دايما ترطبوا شفايفكم الشفايف منطقه حساسه ومهمه للبنت وهو من الاكثر الاشياء الجذابه في البنت...ولازم الشفايف تكون ورديه وناعمه..
قبل ماتبدأي بأي شي اتبعي هذي النصايح
1- لا تلحسي شفايك عشان ترطبيها لانه يسودها
2- بعدي عن الكافيه والمشروبات الغازيه واهم شي البيبسي
3- لا تدخني الحين في بنات الله يهديهم يدخنوا
4- لا تقطعي وتقضمي شفايفك
الحين العنايه بالشفايف....

1- التقشير
حطي فازلين على شفايفك وخذي فرشاه وفرشي شفايفك...زي ما تفرشي اسنانك بس بطريقه ناعمه
وخصصي هذي الفرشاه للشفايف فرشي لمده ثلث ساعه وبهدوء ونتي عالنت اقعدي فرشي ..بعدين جيبي منشفه وامسحي شفايفك وحطي زيت لوز حلو ...

2-
هذي خلطه حلوه والي هي
ملعقه صغيره عسل
ملعقه كبيره عصير ليمون
ملعقه صغيره زيت لوز حلو
ملعقه صغيره سكر
اخلطيهم وابدأي افركي شفايفك

3- الليمون يمنع التأكسد
افركي شفايفك بزيت ..اي زيت.. 5 دقايق بعدين ابدأي افركي شفايفك بالليمون
اول ما تحسيه يحرقك سيبي الفرك وغسلي بمويه وحطي زيت لانه اذا حرقك يعني انك بتقضمي شفايفك او بتقشريها,,,,,
بس المهم تفركي بهدوء الاماكن السوداء



ثانيا:-

THE body

A-مين البنت اللي ماتبغى جسمها ناعم ويلمع؟
اكيد كل البنات يبغوا كده...
الحمام المغربي مررره روعه يلمع جسمك وينعمه ..البنوته الصغيره اللي لسه 15 16 لا تستعمله اكيد بتكون بشرتها حلوه.. لا تلعبي بيها ابدا لان اجمل البشرات في المراحل العمريه هي بشرات ذوات الاعمار هذي .. اذا كبرتي ابدأي سوي حمامات وزي كده..

اشتري الصابون المغربي بعدين ابدأي حطي الصابون على جسمك في كل الاماكن وافركي بيدك.. مش بالليفه بيدك... بعدين خليه 10 دقايق ع جسمك واشطفيه بعدين حطي بس مويه على الليفه.. بس مويه
وافركي جسمك بنعومه لا تسيبي ولا منطقه..بعدين خلي شطفتك الاخيره بمويه بارده عشان تشد جسمك وحطي كريم بيبي جونسون على جسمك وانتي لسه ما تنشفتي..
بعدين نشفي المويه والكريم وفرشي اسنانك.. لا تنسوا تفريش الاسنان يا حلوين^^
وبيكون جسمك حلو وناعم وبعدين حطي في يدك شويه مويه ورد وحطيه على جسمك عشان يعطيك ريحه حلو ^^
مررره روعه ي بنات انصحكم تسووها

B- الركب والاكواع

حلها هو الليمون ليش الليمون؟؟... لان اليمون معروف عنه انه يبيض وممكن تستعمليه كمان في الابط لانه يبيضه ويشيل الريحه...

امريكيه تقول: عندما كنت صغيره كنت ازحف ارجاء البيت بركبتي وهذا ما سبب لي اسودادا في ركبتي واكواعي (( ههه طبعا بتستغربون لانها امريكيه ^^وشو امريكيه ركبها سوده؟؟!خخ)) وتقول: جربت طريقه نفعتني وهو الليمون كنت كل يوم آخذ نصف ليمونه واعصرها في صحن وابلل قطنه به وامسح على ركبتي واكواعي وثم امسح بمنشفه فيها ماء مائل للحراره ثم ارطبهما بالزيت وبعد فتره تجاوزت الشهر بدأت ركبتاي تصبحان فاتحتان

~ وفعلا بنات كثيرين سمعت عنهم انهم جربوا الليمون وما ندموا انا بدأت اجربه من قبل كم يوم وحسيت بفرق.. طبعا خلي الليمون على ركبك واكواعك من ربع ساعه لثلث ساعه
ورطبي ركبك دايما ولا تزحفي على ركبك ونفس الشي اليدين والرجلين اذا كان فيهم اسمرار ورطبوهم دايما ويوميا بزيت وفازلين
بنوتات لازم دايما تلبسوا شراريب انتوا بنات دلعو نفسكم واهتموا بنفسكم البنات تجيهم الام الدوره لانهم يمشوا عالبلاط ويتعرض جسمك للبرد ما تحسي بالمه الا وقت الدوره

.................................................. ...

وفي النهايه حبيباتي طلب بسيط ما بيكلف عليكم لاني والله تعبت

اتمنى انكم تدعولي بالهدايه و تعرفو قربت المدرسه ادعولي بالنجاح واني اكون الاولى بليز بنات حبايبي

واتمنى اني افدتكم